Буцаалт, солилтын нөхцөл
Хэмжээ таараагүй, гологдолтой эсвэл захиалснаас өөр бараа хүлээн авсан бол солих, буцаах журам.
1. Хуулиар олгогдсон эрх
Энэхүү нөхцөл нь Хэрэглэгчийн эрхийг хамгаалах тухай хууль болон Монгол Улсын бусад хуулиар танд олгогдсон эрхийг хязгаарлахгүй.
2. Бэлэн бараа солих, буцаах
Лого, нэр шингээгээгүй, хэмжээ авч тусгайлан оёогоогүй бэлэн барааг хүргэгдсэнээс хойш 7 хоногийн дотор солих эсвэл буцааж болно. Үүнд:
- өмсөж, угааж хэрэглээгүй байх;
- шошго, хаяг, анхны сав баглаа боодол бүрэн байх;
- худалдан авсныг нотлох баримт — захиалгын дугаар эсвэл И-баримт байх.
Санаа бодлоо өөрчилсөн шалтгаанаар солих, буцаах тохиолдолд барааг худалдан авагч өөрийн зардлаар манай хаягт хүргэж өгнө.
3. Захиалгаар үйлдвэрлэсэн бараа
Байгууллагын лого, нэр, өнгө шингээсэн, эсвэл ажилтны хэмжээгээр тусгайлан үйлдвэрлэсэн хувцсыг таны баталсан загвар, хэмжээгээр хийдэг тул санаа бодлоо өөрчилсөн шалтгаанаар солих, буцаах боломжгүй. Үйлдвэрлэлийн гологдол, мөн баталсан загвар, хэмжээнээс зөрсөн тохиолдлыг доорх журмаар шийдвэрлэнэ.
4. Гологдолтой эсвэл буруу бараа
Үйлдвэрлэлийн гологдолтой, захиалснаас өөр, эсвэл тээвэрлэлтийн явцад гэмтсэн барааг бид өөрийн зардлаар засварлах, солих эсвэл төлбөрийг буцаан олгоно.
Хүргэлттэй холбоотой дутагдлыг хүлээн авснаас хойш 3 хоногийн дотор, үйлдвэрлэлийн гологдлыг 12 сарын баталгаат хугацаанд мэдэгдэнэ үү. Баталгааны хамрах хүрээг Баталгааны нөхцөл хэсэгт заасан.
5. Буцаах дараалал
- +976-9909-0500 утсаар эсвэл otgoo@amuso-design.com хаягаар захиалгын дугаар, барааны нэр, шалтгаанаа мэдэгдэнэ үү. Гологдлын зураг хавсаргавал шийдвэрлэх хугацаа богиносно.
- Бид буцаалтыг баталгаажуулж, барааг хүлээлгэн өгөх хаяг, аргыг мэдэгдэнэ.
- Барааг хүлээн авч шалгасны дараа солих, засварлах эсвэл төлбөрийг буцаан олгож, танд мэдэгдэнэ.
6. Төлбөр буцаан олгох
Буцаалтыг зөвшөөрснөөс хойш ажлын 3 хоногийн дотор төлбөрийг таны төлсөн дансанд буцаан шилжүүлнэ.
Байгууллагын гэрээт захиалгын буцаалтыг гэрээний нөхцөлөөр шийдвэрлэнэ.